Жанубий Корея президентлигига номзод КХДРни ядровий қурол синовини бекор қилишга чақирди. Мазкур баёнот билан мамлакатнинг юқори лавозимига номзодлардан нисбатан таниқлиси — Мун Чжэ Ин сайловолди муҳокамаларидан олдинги чиқишида сўзлади, деб хабар берди «ТАСС».
«Агар Шимолий Корея олтинчи маротаба атом синовини ўтказадиган бўлса, қанчадир вақтга қадар икки давлат ўртасида музокара ўтказишнинг имкони бўлмай қолади. Жанубий Кореяда президентлик муддати беш йилни ташкил этгани сабаб, ушбу вазиятда кейинги келадиган маъмуриятга икки томонлама муносабатни яхшилаши қийин кечади», — дея таъкидлади Мун Чжэ Ин.
«Тобуро» демократик партияси собиқ етакчиси КХДР билан ядровий ракета муаммоси ҳал этишда «кенг қамровли ва босқичма-босқич» ечимини таклиф қилди.
«Биринчи босқичда Шимолдан янги ядровий синовни ўтказмаслик, дастурни музлатиб қўйиш талаб қилинади. Иккинчи қадам бу дастурдан бутунлай воз кечишни ўз ичига олади», — деди Мун Чжэ Ин.
Шунингдек, агар номзод ҳукумат тепасига ўтиргудек бўлса, Россия, Хитой ҳамда аҳолининг бир қисмида норозилик туғдирган Жанубий Кореяга Американинг THAAD тизимини жойлаштириш борасидаги муаммога «оқилона» ечим топишини маълум қилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)