AQSh va Meksika chegarasida devor qurilishi qiymati taxminan 66,9 milliard dollarni tashkil etadi. Bu haqda AQSh Kongressi milliy xavfsizlik va hukumat muassasalari qo‘mitasidagi demokrat senatorlar yordamchilari tuzgan hisobotda ma’lum qilindi, deya xabar beradi “TASS”.
“Har bir mili (1,6 kilometr) 36,6 million dollarga tushgan taqdirda, 1827 mil (2940 kilometr) uzunlikdagi devorning umumiy qiymati 66,9 milliard dollardan oshadi. Shu tariqa, AQShdagi har bir erkak, ayol va bola devor qurilishi uchun 200 dollardan ko‘proq to‘lashiga to‘g‘ri keladi”, — deyiladi mazkur hujjatda.
Demokratik partiya vakillari hisob-kitobiga ko‘ra, devor ta’miri va unga xizmat ko‘rsatishning yillik xarajatlari 150 million dollarni tashkil etadi.
Ma’lumot uchun, oldinroq AQSh milliy xavfsizlik vazirligi loyihani 21,6 milliard dollarga baholagandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)