АҚШ ва Мексика чегарасидаги девор қурилиши қиймати 67 млрд долларни ташкил этиши мумкинлиги билдирилди

АҚШ ва Мексика чегарасида девор қурилиши қиймати тахминан 66,9 миллиард долларни ташкил этади. Бу ҳақда АҚШ Конгресси миллий хавфсизлик ва ҳукумат муассасалари қўмитасидаги демократ сенаторлар ёрдамчилари тузган ҳисоботда маълум қилинди, дея хабар беради «ТАСС». 

«Ҳар бир мили (1,6 километр) 36,6 миллион долларга тушган тақдирда, 1827 мил (2940 километр) узунликдаги деворнинг умумий қиймати 66,9 миллиард доллардан ошади. Шу тариқа, АҚШдаги ҳар бир эркак, аёл ва бола девор қурилиши учун 200 доллардан кўпроқ тўлашига тўғри келади», — дейилади мазкур ҳужжатда. 

Демократик партия вакиллари ҳисоб-китобига кўра, девор таъмири ва унга хизмат кўрсатишнинг йиллик харажатлари 150 миллион долларни ташкил этади. 

Маълумот учун, олдинроқ АҚШ миллий хавфсизлик вазирлиги лойиҳани 21,6 миллиард долларга баҳолаганди.  «Дарё»нинг Telegram’даги расмий канали — @toshqindaryo’га аъзо бўлинг!