Xitoy Agrar banki inkassatorlik xizmati xodimi 4 nafar hamkasbini zararsizlantirib, 6 million yuanni (870 ming dollardan ortiq) o‘mardi. Bu haqda “TASS” xabar bermoqda.
China Daily nashriga ko‘ra, hodisa Lyaonin provinsiyasining Inkou shahrida ro‘y berdi. 35 million yuanni (5 million dollar) olib ketayotgan zirhli mashina to‘satdan o‘z yo‘nalishini o‘zgartirdi.
Xodim to‘pponcha mulyaji bilan boshqa qo‘riqchilarga tahdid qilib, ularni qurolsizlantirdi va qo‘l-oyog‘ini bog‘ladi. So‘ng pullarning bir qismini qo‘lga kiritib, yashirinadi.
Huquq-tartibot xodimlari oradan 8 soat o‘tib talonchi-qo‘riqchini doimiy yashaydigan kvartirasida hibsga oldi. Mazkur hodisa yuzasidan tergov olib borilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)