Braziliyaning Espiritu-Santu shtatida mahalliy politsiyachilar ish tashlashi natijasida ko‘chalarda zo‘ravonlik va talonchilik avj olib ketgach, kamida 103 kishi besh kun ichida jinoyatchilar qo‘lidan halok bo‘ldi, deb yozadi “TASS”.
Hududda jinoyatchilik avj olib ketishiga politsiyachilar va o‘t o‘chiruvchilar o‘tgan shanbadan buyon maoshlari oshirilishini talab qilib ishga chiqmayotgani sabab bo‘ldi. Tartib posbonlari safiga ularning oila a’zolari ham qo‘shildi.
Braziliya hukumati avvalroq Espiritu-Santuga tartib o‘rnatishga yordam berish uchun 1,2 ming nafar harbiy xizmatchini yuborgan edi. Ammo bu yetarli bo‘lmadi. Yaqin orada hududga yana 550 askar yetib kelishi kerak.
Izoh (0)