Хитой Аграр банки инкассаторлик хизмати ходими 4 нафар ҳамкасбини зарарсизлантириб, 6 миллион юанни (870 минг доллардан ортиқ) ўмарди. Бу ҳақда «ТАСС» хабар бермоқда.
China Daily нашрига кўра, ҳодиса Ляонин провинциясининг Инкоу шаҳрида рўй берди. 35 миллион юанни (5 миллион доллар) олиб кетаётган зирҳли машина тўсатдан ўз йўналишини ўзгартирди.
Ходим тўппонча муляжи билан бошқа қўриқчиларга таҳдид қилиб, уларни қуролсизлантирди ва қўл-оёғини боғлади. Сўнг пулларнинг бир қисмини қўлга киритиб, яширинади.
Ҳуқуқ-тартибот ходимлари орадан 8 соат ўтиб талончи-қўриқчини доимий яшайдиган квартирасида ҳибсга олди. Мазкур ҳодиса юзасидан тергов олиб борилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)