Gollandiyaning Apeldorn shahridagi Apenxeul maymunlar bog‘i urg‘ochi orangutan juftlashish uchun o‘z juftini qanday tanlashi haqida kengroq tasavvurni shakllantirish uchun tajriba o‘tkazmoqda. Hayvonot bog‘i ma’muriyati agar orangutan erkagi bilan uchrashuv vaqtida emas, balki oldindan – sensorli ekran orqali tanishsa, ularning ko‘payish imkoniyati oshishiga umid qilmoqda. Bu haqda TJournal xabar berdi.
Hayvonot bog‘ida hayvonlarning o‘zini tutishi bo‘yicha tadqiqot olib boruvchi biolog Tomas Bionda The Guardian nashri bilan suhbati vaqtida tushuntirishicha, odatda erkak orangutanlarni juftlashishi uchun uzoqdan olib kelishadi va urg‘ochilar har doim ham o‘z juftini tan olmaydi.
Orangutanlar tez-tez o‘z hayvonot bog‘iga juftlashmasdan qaytib ketadi. Erkak va urg‘ochi orangutanlar oldindan tanishmasdan uchrashgan vaqtda har doim ham hammasi yaxshi bo‘lmaydi.Bionda mazkur tajriba hayvonlar o‘rtasidagi hissiyotlarni o‘rganish borasidagi global tadqiqotning bir qismi hisoblanishini ham aytib o‘tdi.Tomas Bionda
Hissiyotlar evolyutsiya uchun katta ahamiyat kasb etadi. Agar siz ularni noto‘g‘ri talqin qilsangiz, siz uchun bu yomon tugashi mumkin.Hozirgi vaqtda olimlar uchun asosiy muammo sensorli displeylarning yetarlicha mustahkam emasligi. Tadqiqotchilar allaqachon po‘lat ramka bilan mustahkamlangan planshetni sinab ko‘rdi, biroq qurilmaning uzoq muddat xizmat qilishiga ularning ishonchi komil emas.Tomas Bionda
Tajriba “Maymunlar uchun tinder” deb nomlandi. Tinder smartfonlar uchun mo‘ljallangan tanishuvlar dasturi hisoblanadi.
Orangutanlar yerda odamdan keyingi o‘rinda turadigan eng aqlli mavjudot hisoblanadi, ular ovqatni bo‘laklash uchun qurollardan foydalanadi, odamlar bilan yonma-yon bo‘lganda esa, turli odatlarni o‘zlashtiradi, masalan, ular suvdan qo‘rqmay qo‘yishi, tamakiga bog‘lanib qolishi mumkin.
Orangutanlar populyatsiyasi yil sayin qisqarib bormoqda: 2016-yilning oxiriga kelib sayyorada ushbu turning taxminan yetti ming vakili qolgan, har yili mingtagacha orangutan vafot etadi. Ular yo‘qolib ketishining asosiy sababi yashash joyining qisqarib borayotgani. Hayvonlar yashaydigan hududlarni himoya qilinishiga qaramasdan, ekspertlar o‘rmonlarning noqonuniy kesilishidan shikoyat qilmoqda. Bundan tashqari orangutanlar ularning bolalarini noqonuniy savdo uchun ov qiladigan brakonyerlarning qurboni bo‘lmoqda.
Hozir tur faqat Kalimantan va Sumatra orollarining yomg‘irli o‘rmonlarida mavjud. Orangutanlar qariyb butun umrini daraxtda o‘tkazadi, kamdan-kam hollarda yerga tushadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)