Голландиянинг Апельдорн шаҳридаги Апенхеуль маймунлар боғи урғочи орангутан жуфтлашиш учун ўз жуфтини қандай танлаши ҳақида кенгроқ тасаввурни шакллантириш учун тажриба ўтказмоқда. Ҳайвонот боғи маъмурияти агар орангутан эркаги билан учрашув вақтида эмас, балки олдиндан сенсорли экран орқали танишса, уларнинг кўпайиш имконияти ошишига умид қилмоқда. Бу ҳақда TJournal хабар берди.
Ҳайвонот боғида ҳайвонларнинг ўзини тутиши бўйича тадқиқот олиб борувчи биолог Томас Бионда The Guardian нашри билан суҳбати вақтида тушунтиришича, одатда эркак орангутанларни жуфтлашиши учун узоқдан олиб келишади ва урғочилар ҳар доим ҳам ўз жуфтини тан олмайди.
Орангутанлар тез-тез ўз ҳайвонот боғига жуфтлашмасдан қайтиб кетади. Эркак ва урғочи орангутанлар олдиндан танишмасдан учрашган вақтда ҳар доим ҳам ҳаммаси яхши бўлмайди.Бионда мазкур тажриба ҳайвонлар ўртасидаги ҳиссиётларни ўрганиш борасидаги глобал тадқиқотнинг бир қисми ҳисобланишини ҳам айтиб ўтди.Томас Бионда
Ҳиссиётлар эволюция учун катта аҳамият касб этади. Агар сиз уларни нотўғри талқин қилсангиз, сиз учун бу ёмон тугаши мумкин.Ҳозирги вақтда олимлар учун асосий муаммо сенсорли дисплейларнинг етарлича мустаҳкам эмаслиги. Тадқиқотчилар аллақачон пўлат рамка билан мустаҳкамланган планшетни синаб кўрди, бироқ қурилманинг узоқ муддат хизмат қилишига уларнинг ишончи комил эмас.Томас Бионда
Тажриба «Маймунлар учун тиндер» деб номланди. Тиндер смартфонлар учун мўлжалланган танишувлар дастури ҳисобланади.
Орангутанлар ерда одамдан кейинги ўринда турадиган энг ақлли мавжудот ҳисобланади, улар овқатни бўлаклаш учун қуроллардан фойдаланади, одамлар билан ёнма-ён бўлганда эса, турли одатларни ўзлаштиради, масалан, улар сувдан қўрқмай қўйиши, тамакига боғланиб қолиши мумкин.
Орангутанлар популяцияси йил сайин қисқариб бормоқда: 2016 йилнинг охирига келиб сайёрада ушбу турнинг тахминан етти минг вакили қолган, ҳар йили мингтагача орангутан вафот этади. Улар йўқолиб кетишининг асосий сабаби яшаш жойининг қисқариб бораётгани. Ҳайвонлар яшайдиган ҳудудларни ҳимоя қилинишига қарамасдан, экспертлар ўрмонларнинг ноқонуний кесилишидан шикоят қилмоқда. Бундан ташқари, орангутанлар уларнинг болаларини ноқонуний савдо учун ов қиладиган браконерларнинг қурбони бўлмоқда.
Ҳозир тур фақат Калимантан ва Суматра оролларининг ёмғирли ўрмонларида мавжуд. Орангутанлар қарийб бутун умрини дарахтда ўтказади, камдан-кам ҳолларда ерга тушади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)