Rossiyaning TV1000 kabel telekanali 2-fevral kuni “Sug‘ur kuni” filmini 12 marta namoyish etadi. Kanalning Sug‘ur kunidagi ko‘rsatuvlar jadvalida faqat shu nomli film ko‘rsatilgan.
Birinchi marta u 05:10 (Toshkent vaqti bilan 07:10) da ko‘rsatiladi, so‘nggi seans esa tungi 03:10 (Toshkent vaqti bilan 05:10) da bo‘lib o‘tadi.
2016-yili shunga o‘xshash aksiyani Britaniyaning Sky telekanali o‘tkazgan edi. Qayd etish joiz, ular filmni TV1000 dan bir marta ko‘p namoyish etgan edi.
E’tiborli tomoni, 2-fevral kuni “Sug‘ur kuni”ni namoyish etadigan telekanallar orasida O‘zbekiston vakillari ham bor — film payshanba kuni Toshkent vaqti bilan 22:30 da “Yoshlar” telekanalida ko‘rsatiladi.
Bosh rolini aktyor Bill Myurrey ijro etgan “Sug‘ur kuni” filmi 1993-yili suratga olingan bo‘lib, unda bayramning qaytarilaverishi haqida hikoya qilinadi: film qahramoni har kuni 2-fevralda uyg‘onaveradi va barcha voqealar takrorlanaveradi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)