AQSh Tehron tomonidan ballistik raketalar dasturi ishlab chiqilgani munosabati bilan, Eronga nisbatan sanksiyalar ro‘yxatini kengaytirdi. Bu haqda AQSh Moliya vazirligi xabar berdi.
Sanksiya ro‘yxatiga 13 jismoniy shaxs kiritilgan bo‘lib, ular orasida, Eron fuqarolaridan tashqari, BAA, Xitoy, Kuvayt va Livan vakillari ham bor.
Bundan tashqari, qarorgohi Eron, Livan, Xitoy va BAAda joylashgan 12 ta kompaniya ham AQSh sanksiyalariga tushgan.
Bundan bir necha soat avval AQSh prezidenti Donald Tramp Twitter’dagi sahifasida Eronni “olov bilan o‘ynashish”da ayblab, eronliklarni “prezident Obama ularga nisbatan qanchalik ‘mehribon’ bo‘lganining qadriga yetmayapti”, deb yozgan edi. “Men bunday mehribon bo‘lmayman!”, — deya va’da berdi Tramp.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)