AQSh maxfiy xizmati tegishli federal rasmiylardan Oq uy atrofida hozirgidan ko‘ra balandroq to‘siq qurishga uzil-kesil ruxsat oldi. Bu haqda mamlakatning birinchi shaxslari va yuqori martabali xorijiy mehmonlarni qo‘riqlash bilan shug‘ullandigan xizmat matbuot bo‘limi ma’lum qildi, deya xabar beradi “TASS”.
Xizmatga ko‘ra, balandligi taxminan 3,6 metr bo‘lgan to‘siq (hozirgisi 2,1 metrga teng) tiklanishi rejalashtirilmoqda.
Yangi to‘siq yanada mustahkam bo‘lishi va qoidabuzarlarni aniqlash texnologiyasi qo‘llanishi sababli, unga deyarli chiqib bo‘lmasligi bildirilmoqda.
Shu bilan birga, Oq uyga doimiy ravishda ko‘plab sayyohlar oqimi kelishi, uy va to‘siqning tarixiy qiyofasi saqlanib qolishi lozimligi inobatga olinadi. Qurilishni 2018-yilda boshlash rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)