Россиянинг TV1000 кабел телеканали 2 февраль куни «Суғур куни» фильмини 12 марта намойиш этади. Каналнинг Суғур кунидаги кўрсатувлар жадвалида фақат шу номли фильм кўрсатилган.
Биринчи марта у 05:10 (Тошкент вақти билан 07:10) да кўрсатилади, сўнгги сеанс эса тунги 03:10 (Тошкент вақти билан 05:10) да бўлиб ўтади.
2016 йили шунга ўхшаш акцияни Британиянинг Sky телеканали ўтказган эди. Қайд этиш жоиз, улар фильмни TV1000 дан бир марта кўп намойиш этган эди.
Эътиборли томони, 2 февраль куни «Суғур куни»ни намойиш этадиган телеканаллар орасида Ўзбекистон вакиллари ҳам бор — фильм пайшанба куни Тошкент вақти билан 22:30 да «Ёшлар» телеканалида кўрсатилади.
Бош ролини актёр Билл Мюррей ижро этган «Суғур куни» фильми 1993 йили суратга олинган бўлиб, унда байрамнинг қайтарилавериши ҳақида ҳикоя қилинади: фильм қаҳрамони ҳар куни 2 февралда уйғонаверади ва барча воқеалар такрорланаверади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)