Daniya hukumati zimmasiga yirik IT-kompaniyalar bilan muzokaralar olib borish vazifasi yuklatiladigan “raqamli elchi” lavozimini joriy etdi. Bu haqda, Politiken nashri xabariga ko‘ra, Daniya tashqi ishlar vaziri Anders Samuelsen ma’lum qilgan.
Yangi lavozim egallashga da’vogarlar nomi hozircha oshkor etilmayapti. “Raqamli elchi”ning asosiy vazifasi Daniyani xorijiy hamkorlar uchun maftunkor qilib ko‘rsata olishdir.
Samuelsenning qayd etishicha, internet-korporatsiyalar yildan-yilga yangi mamlakatlarga aylanmoqda, ularning bozor qiymati esa ma’lum bir davlatlarning iqtisodiyoti hajmiga tenglashmoqda.
Vazirning fikricha, kelajakda IT-biznesning Daniyaga moliyaviy ta’siri qirollik tarixan “mumtoz diplomatik munosabatlar”ga ega bo‘lgan mamlakatlarnikiga nisbatan kuchayib ketishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)