007craft taxallusli amerikalik bloger ikki oyda ombordagi kichkina hujrani suv ta’minoti, mini-barga ega va karavoti bor to‘laqonli xonaga aylantirdi. Bloger bu haqdagi rolikni Reddit’da e’lon qilgan.
Blogerning aytishicha, u “Tinch okeani tizmasi” yo‘nalishidagi sayohatdan qaytganidan so‘ng uysiz qolgan. Dastlab u o‘zining Honda Civic avtomobilini turar joyga aylantirmoqchi bo‘lgan, biroq avtomobil saloni bu maqsad uchun torlik qilgan.
Shunda bloger U-Haul kompaniyasiga tegishli ombordan 3×3×1,8 metr kattalikdagi xonani ijaraga olishga qaror qilgan.
U joydan imkoni boricha unumli foydalanishga harakat qilgan: eshikning orqa tomoniga ko‘zguni joylashtirgan, devorlarga tokchalar, shuningdek, suv ta’minoti tizimi va kichik gaz plitasi ham o‘rnatgan.
Xonada krovat, mini-bar, kiyim javoni va 4K-televizor ham bor. Shiftda oyoq kiyimlar va video-o‘yinlar saqlanadi.
Reddit foydalanuvchilariining uning qayerda dush qabul qilishi haqidagi savollariga javoban bloger odatda sportzalda, mashg‘ulotlardan so‘ng dush qabul qilishini aytgan.
Blogerning so‘zlariga ko‘ra, u bu ishlarning barchasiga taxminan 100 dollar sarflagan. Hujraning ijara narxi oyiga 205 dollarni tashkil etadi.
Uning ta’kidlashicha, bu tejamkorlik uchun a’lo darajadagi imkoniyat, chunki bu hududdagi turar joylarning ijara haqi ming dollardan boshlanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)