Дания ҳукумати Apple ва Google’лар билан музокаралар ўтказиш учун «рақамли элчи»ни тайинлайди

Дания ҳукумати зиммасига йирик IT-компаниялар билан музокаралар олиб бориш вазифаси юклатиладиган «рақамли элчи» лавозимини жорий этди. Бу ҳақда, Politiken нашри хабарига кўра, Дания ташқи ишлар вазири Андерс Самуэльсэн маълум қилган.

Янги лавозим эгаллашга даъвогарлар номи ҳозирча ошкор этилмаяпти. «Рақамли элчи»нинг асосий вазифаси Данияни хорижий ҳамкорлар учун мафтункор қилиб кўрсата олишдир.

Самуэльсэннинг қайд этишича, интернет-корпорациялар йилдан йилга янги мамлакатларга айланмоқда, уларнинг бозор қиймати эса маълум бир давлатларнинг иқтисодиёти ҳажмига тенглашмоқда.

Вазирнинг фикрича, келажакда IT-бизнеснинг Данияга молиявий таъсири қироллик тарихан «мумтоз дипломатик муносабатлар»га эга бўлган мамлакатларникига нисбатан кучайиб кетиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.