Xorijga chiqish stikerining bekor qilinishi loyihasi, Samarqandning tramvay yo‘llari, Turkiyadagi vaziyat sabab O‘zbekiston bilan o‘ynashdan bosh tortgan arman futbolchilari va kunning boshqa muhim xabarlari

20-yanvarning e’tiborga molik xabarlari — “Daryo”ning kechki dayjestida.

1. O‘zbekistonda xorijga chiqish uchun stiker bekor qilinib, ichki pasport joriy etiladi. Bu haqda O‘zbekiston Prezidentining Mamlakatni 2017—2021-yillarda yanada rivojlantirish bo‘yicha harakatlar strategiyasi to‘g‘risidagi farmoni loyihasida so‘z boradi.

2. IShID jangarilari Palmiradagi amfiteatrning bir qismini vayron qildi. 2016-yil bahorida, Palmira IShIDdan ozod etilgach, bu amfiteatrda Rossiya orkestri konsert bergan edi.

3. Samarqandda qurilayotgan tramvay yo‘llarining uzunligi qariyb 35 kilometrga yetadi. Shahardagi tramvay yo‘lining birinchi navbati mart oyida foydalanishga topshirilishi kutilmoqda.

4. Armaniston futbol federatsiyasi O‘zbekiston milliy terma jamoasiga qarshi o‘rtoqlik uchrashuvini bekor qildi. Turkiyadagi beqaror vaziyat O‘FF rejalariga ham o‘zgartirish kiritadimi yoki yo‘q, aniqlik kiritilmagan.

5. Orangutan arradan foydalanishni o‘rgandi. Avvalroq BBC One ijodkorlari Hindistondagi maymunlarni “robot qondoshi”ning o‘limi uchun yig‘latgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.