Yaponiya parlamentining Yuxey Yamashita boshchiligidagi delegatsiyasi Toshkent Davlat agrar universitetiga tashrif buyurib, o‘quv yurti rektori Botirjon Sulaymonov bilan uchrashdi. Uchrashuvda Yaponiyaning O‘zbekistondagi favqulodda va muxtor elchisi Ito Nobuaki hamda universitet professor-o‘qituvchilari ishtirok etdi. Bu haqda “Daryo”ga o‘quv yurti mutasaddilari ma’lum qildi.
Mehmonlar universitetda olib borilayotgan ilmiy izlanishlar va xalqaro loyihalar xaqida xabardor qilindi. Uchrashuv davomida universitetning “Mevachilik va uzumchilik” kafedrasi professor-o‘qituvchilari Yaponiyaning Xirosaki universiteti professorlari bilan hamkorlikda amalga oshirayotgan hamda JICA tomonidan moliyalashtirilgan “Olma yetishtirishda yangi texnologiyalarni joriy etish asosida O‘zbekiston fermerlarini daromadini oshirish” loyihasi muhokama qilindi va yuqori baholandi.
Uchrashuvdan so‘ng mehmonlar universitetning tajriba stansiyasiga tashrif buyurdi va loyiha asosida yaratilgan “Fudji” navli olma bog‘i bilan yaqindan tanishdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)