Хорижга чиқиш стикерининг бекор қилиниши лойиҳаси, Самарқанднинг трамвай йўллари, Туркиядаги вазият сабаб Ўзбекистон билан ўйнашдан бош тортган арман футболчилари ва куннинг бошқа муҳим хабарлари

20 январнинг эътиборга молик хабарлари — «Дарё»нинг кечки дайжестида.

1. Ўзбекистонда хорижга чиқиш учун стикер бекор қилиниб, ички паспорт жорий этилади. Бу ҳақда Ўзбекистон Президентининг Мамлакатни 2017—2021 йилларда янада ривожлантириш бўйича ҳаракатлар стратегияси тўғрисидаги фармони лойиҳасида сўз боради.

2. ИШИД жангарилари Пальмирадаги амфитеатрнинг бир қисмини вайрон қилди. 2016 йил баҳорида, Пальмира ИШИДдан озод этилгач, бу амфитеатрда Россия оркестри концерт берган эди.

3. Самарқандда қурилаётган трамвай йўлларининг узунлиги қарийб 35 километрга етади. Шаҳардаги трамвай йўлининг биринчи навбати март ойида фойдаланишга топширилиши кутилмоқда.

4. Арманистон футбол федерацияси Ўзбекистон миллий терма жамоасига қарши ўртоқлик учрашувини бекор қилди. Туркиядаги беқарор вазият ЎФФ режаларига ҳам ўзгартириш киритадими ёки йўқ, аниқлик киритилмаган.

5. Орангутан аррадан фойдаланишни ўрганди. Аввалроқ BBC One ижодкорлари Ҳиндистондаги маймунларни «робот қондоши»нинг ўлими учун йиғлатган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.