O‘zbekiston Kasaba uyushmalari Federatsiyasida Xalqaro mehnat tashkiloti vakillari bilan uchrashuv bo‘lib o‘tdi. Bu haqda “Daryo”ga Federatsiya matbuot xizmati ma’lum qildi.
Uchrashuvda Federatsiya raisi Qudratilla Rafikov munosib mehnat tamoyillarini ilgari surishda O‘zbekistonga berilayotgan ko‘mak uchun XMTga minnatdorlik bildirdi. O‘zbekiston va XMT o‘rtasidagi munosib mehnat bo‘yicha mamlakat dasturining muhim ahamiyatini qayd etdi.
Ushbu dastur doirasida xalqaro tashkilot konvensiyalarini implementatsiya qilish, ijtimoiy sheriklikni mustahkamlash, kasaba uyushmalari salohiyatini mustahkamlash bo‘yicha tizimli ishlar olib borildi. Xususan, 2016-yilda XMTning birlashmalar erkinligi va kasaba uyushmalariga birlashish huquqini himoya qilish to‘g‘risidagi 87-sonli Konvensiyasini ratifikatsiya qilindi.
Delegatsiya a’zolariga mehnat sohasidagi standartlarga amal qilish borasida mamlakatda olib borilayotgan choralar haqida ma’lumot berildi.
Munosib mehnat bo‘yicha mamlakat dasturi bosh texnik maslahatchisi A. Xauzen O‘zbekiston kasaba uyushmalari Federatsiyasiga amaliy hamkorlik uchun minnatdorlik bildirdi. Mazkur hamkorlik o‘zaro anglashinuv haqidagi yangi memorandum imzolanishi va joriy mamlakat dasturining 2020-yilgacha uzaytirilganida o‘z aksini topganini ta’kidlab o‘tdi.
Tomonlar turli loyihalarni amalga oshirishni davom ettirish, o‘tkaziladigan tadbirlarda tomonlarning vakillari ishtiroki to‘g‘risida kelishib oldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)