Pekin universiteti xodimlari Xiao Nan robotini yaratdi, u bir soniya ichida yo‘llarda Yangi yil chog‘ida kuzatilgan tirbandliklar haqida 300 belgidan iborat qayd yozdi. Bu haqda “Gazeta.ru” xabar bermoqda.
Universitetda yaratilgan mexanizm ham qisqa, ham uzun formatlar bilan ishlay oladi. Shuningdek, u katta hajmdagi ma’lumotlar ustida ishlay oladi. Ammo robot mustaqil ravishda intervyu o‘tkaza olmaydi va yangiliklar tayyorlash uchun mavzu tanlay olmaydi. Shu tufayli, Pekin universiteti professori Van Syaoszyan so‘zlariga ko‘ra, bunday texnologiyalar tomonidan jurnalistlar o‘rnining to‘liq bosilishi haqida gapirishga hali erta.
Shunga qaramay, bunday robotlar kelajakda OAVlar uchun yordamchilarga aylanishi mumkin.
Izoh (0)