O‘zbekistonning birinchi raketkasi Denis Istomin kunning eng asosiy sport sensatsiyasi sababchisiga aylandi — Australian Open’ning ikkinchi davrasida u serbiyalik Novak Jokovichga qarshi kortga chiqib, besh set — qariyb besh soat davom etgan bahsda g‘alaba qozondi.
Novak Jokovich mazkur musobaqaning amaldagi g‘olibi, jahonning esa ikkinchi raqamli tennischi edi. Tennis olami uchun kutilmagan mazkur natija xalqaro nashrlarning e’tiboridan chetda qolgani yo‘q.
The Independent: “Novak Jokovichni 117-o‘rindagi Denis Istomin Avstraliya ochiq chempionatidan chiqarib yubordi, bu — Endi Marrey uchun qo‘l keluvchi imkon”.
Yahoo! Sports: “Avstraliya ochiq chempionati: Novak Jokovich besh setlik trillerda Denis Istomin tomonidan ko‘rsatilgan o‘yindan shokda”.
South China Morning Post: “Avstraliya ochiq chempionatining amaldagi chempioni Novak Jokovich o‘zbekistonlik Denis Istomin tomonidan tor-mor keltirildi”.
BBC Sport: “Novak Jokovich jahonning 117-tennischisi Istomin tomonidan musobaqadan chiqarib yuborildi”
The Guardian’ning sarlavhasi ham BBC Sport’niki bilan deyarli bir xil.
Metro: “Denis Istominning ajoyib g‘alabasidan so‘ng, Novak Jokovich Avstraliya ochiq chempionatidan chiqib ketdi”.
Daily Mail: “Novak Jokovich Avstraliya ochiq chempionatining ikkinchi davrasida besh set yakuniga ko‘ra jahonning 117-tennischisi Denis Istominga mag‘lub bo‘ldi”.
Mirror: “Denis Istominning hayratlanarli g‘alabasidan so‘ng, Novak Jokovich Avstraliya ochiq chempionatidan chiqib ketdi”.
The Telegraph: “Denis Istomin Avstraliya ochiq chempionatining olti karra g‘olibi Novak Jokovichni besh setda mag‘lub etdi”.
“Match”: “Jokovich sensatsion tarzda jahonning 117-raketkasiga mag‘lub bo‘ldi”.
“Chempionat”: “Jokovich ikkinchi davrada Istominga mag‘lub bo‘lib, Australian Open g‘olibligini himoya qila olmadi”.
Ba’zi nashrlar Jokovichning mag‘lubiyati ustida mushohada yuritishga ham kirishib ketgan.
Bleacher Report: “Novak Jokovichning Denis Istominga mag‘lubiyat French Open 2017 uchun qanday ahamiyatga ega?”.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)