Shved bokschisi hakamni nokautga uchratishiga bir bahya qoldi

Bokschining raqib tomonga yo‘naltirilgan noaniq zarbasi hakamga borib tegdi. Bu haqda TJournal xabar berdi.

Shvetsiyalik bokschi Badu Jekning britaniyalik Jeyms Digeylga qarshi jangda raqibi tomon bergan zarbasi noaniq chiqib, hakamga borib tegdi va uni qariyb nokaut holatiga tushirib qo‘ydi.

Hakam kutilmagan zarbdan muvozanatni yo‘qotdi, biroq Badu hakamni tutib qolib, undan uzr so‘radi. Referi o‘rnidan ko‘tarilgach, jang yana davom ettirildi.

Bokschi ushbu kutilmagan holat uchun, katta ehtimol bilan, jazolanmaydi. Ma’lumot uchun, Nyu-York bo‘lib o‘tgan mazkur jang durang bilan tugadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.