Airbus aviakorporatsiyasining Xitoydagi zavodida ishlab chiqarilgan A330 turkumidagi birinchi samolyot 2017-yil sentabrida tayyor bo‘ladi. Bu haqda “TASS” xabar bermoqda.
Joriy yil davomida Airbus Yevropadan tashqarida 3 ta A330 avialayneri yig‘ishni rejalashtirmoqda. Oldinroq korporatsiya 2019-yilga kelib Xitoydagi zavodda oyiga ikkitadan shunday samolyot ishlab chiqarilishini ma’lum qilgandi.
Airbus’ning Tyanszindagi zavodi 2008-yildan beri faoliyat ko‘rsatmoqda. O‘shandan beri Xitoyda A320 turkumidagi 300 layner ishlab chiqarildi. O‘tgan yili bozorga Tyanszinda ishlab chiqarilgan 51 samolyot yetkazib berildi va sotuvlar bo‘yicha mahalliy rekord yangilandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)