Seulda Janubiy Koreyaning BMTdagi elchisi va to‘rt yirik davlat — Rossiya, AQSh, Xitoy va Yaponiyaning mamlakatdagi elchilarining favqulodda uchrashuvi bo‘lib o‘tadi. Bu haqda “TASS” xabar bermoqda.
“Uchrashuvni Janubiy Koreya tashqi siyosiy mahkamasi rahbari Yun Byon Se o‘tkazadi. Unda mamlakat prezidenti vazifasini bajaruvchi Xvan Gyo An ham ishtirok etadi. Bunday tadbir murakkab tashqi siyosiy vaziyatga munosabat bildirish zarurati tufayli ilk bor o‘tkazilmoqda”, — deyiladi Janubiy Koreya TIV xabarida.
Diplomatlar Koreya yarim oroli va Shimoli-sharqiy Osiyoning dolzarb muammolarini muhokama qilishi ko‘zda tutilmoqda. Jumladan, AQSh va KXDR o‘rtasidagi taranglik, Janubiy Koreya va Xitoy munosabatlarining mamlakatda THAAD tizimi joylashtirilishi rejalari tufayli yomonlashuvi, Yaponiyaning Seuldan elchisini chaqirib olishi bilan bog‘liq holat ko‘rib chiqilishi rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)