AQSh poytaxtidagi Kapitoliy tepaligida, Kongress binosi atrofida 15-yanvar, yakshanba kuni inauguratsiya marosimi repetitsiyasi bo‘lib o‘tdi. Bu haqda “TASS” xabar bermoqda.
Saylangan prezident va vitse-prezident qasamyod keltirishi bilan bog‘liq harakatlarni takrorlash tayyorgarlik jarayonining asosiy qismini tashkil etdi. Siyosatchilar va ularning turmush o‘rtoqlari rolini AQSh qurolli kuchlari quruqlikdagi qo‘shinlari musiqiy guruhi qatnashchilari ijro etdi.
Harbiy xizmatchilar saylangan prezidentning Oq uydan inauguratsiya o‘tkaziladigan joyga tomoshabinlar uchun o‘rindiqlar o‘rnatib bo‘lingan Pensilvaniya-avenyu ko‘chasi bo‘ylab borishini ham repetitsiya qildi. Shu munosabat bilan Vashington markazi politsiya tomonidan to‘sib qo‘yildi va bu yakshanba kuni harakatlanishda ma’lum qiyinchiliklar tug‘dirdi.
Eslatib o‘tamiz, Donald Trampning inauguratsiya marosimi 20-yanvar, juma kuni bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)