Sovuq tushishi bilan sochlar aziyat cheka boshlaydi. Go‘zallikni saqlash uchun unchalik qiyin bo‘lmagan qishki qoidalarga rioya qilsangiz bas. Biz bu maqolada sovuq kunlari sochlarda paydo bo‘luvchi asosiy muammolar va ularni bartaraf etish yo‘llari to‘g‘risida aytmoqchimiz.
Quruq va rangsiz sochlar
Qishda sochni quritish uchun ishlatiladigan fen va binoning isitilishi ta’sirida sochlar quruq bo‘lib qoladi. Sochning bosh kiyimlarga ishqalanishi natijasida esa rangi xira tortadi.Bir haftada 2 marta namlovchi niqoblardan foydalaning. Ukladka qilishdan oldin sochlaringizni sovuq rejimda 70% quritib oling.
Bosh terisidagi yog‘larning soch uzunligi bo‘yicha teng taqsimlanishi uchun ularni tez-tez tarab tursangiz sochlaringiz mayinlashadi va yaltiraydi. Sochlaringiz uchiga zaytun yoki kokos yog‘idan surib qo‘ying.
Elektrlangan sochlar
Sochdagi musbat zaryadlarning qarama-qarshi harakatlanishi natijasida ular elektrlanadi.Namlovchi shampun va konditsionerdan foydalaning. Yuvib bo‘lganingizdan keyin sochning o‘rtasidan to uchigacha yuvilmaydigan namlovchi vositadan surib qo‘ying.
Sochlar uchun maxsus antistatik vosita yordamida ham bu muammoni hal qilish mumkin.
Izoh (0)