Совуқ тушиши билан сочлар азият чека бошлайди. Гўзалликни сақлаш учун унчалик қийин бўлмаган қишки қоидаларга риоя қилсангиз бас. Биз бу мақолада совуқ кунлари сочларда пайдо бўлувчи асосий муаммолар ва уларни бартараф этиш йўллари тўғрисида айтмоқчимиз.
Қуруқ ва рангсиз сочлар
Қишда сочни қуритиш учун ишлатиладиган фен ва бинонинг иситилиши таъсирида сочлар қуруқ бўлиб қолади. Сочнинг бош кийимларга ишқаланиши натижасида эса ранги хира тортади.Бир ҳафтада 2 марта намловчи ниқоблардан фойдаланинг. Укладка қилишдан олдин сочларингизни совуқ режимда 70% қуритиб олинг.
Бош терисидаги ёғларнинг соч узунлиги бўйича тенг тақсимланиши учун уларни тез-тез тараб турсангиз сочларингиз майинлашади ва ялтирайди. Сочларингиз учига зайтун ёки кокос ёғидан суриб қўйинг.
Электрланган сочлар
Сочдаги мусбат зарядларнинг қарама-қарши ҳаракатланиши натижасида улар электрланади.Намловчи шампун ва кондиционердан фойдаланинг. Ювиб бўлганингиздан кейин сочнинг ўртасидан то учигача ювилмайдиган намловчи воситадан суриб қўйинг.
Сочлар учун махсус антистатик восита ёрдамида ҳам бу муаммони ҳал қилиш мумкин.
Изоҳ (0)