Buyuk Britaniyaning Yevroittifoqdagi elchisi Ayven Rojers Brexit haqidagi rasmiy muzokaralar boshlanishiga bir necha oy qolgan paytda kutilmaganda iste’foga chiqishga qaror qildi, deb yozadi “Vedomosti”.
Financial Times nashri manbalari ma’lum qilishicha, Rojers hamkasblariga muddatidan oldin iste’fo berayotganini aytgan, biroq o‘z qarori sabablarini keltirmagan. U lavozimini muddat rasman tugashiga bir necha oy qolganida (uning vakolati 2017-yil noyabrda tugaydi) tark etayotganini aytib, o‘z qarorining ahamiyatini kamaytirgan. Rojers 2013-yil noyabrda elchi etib tayinlangan edi.
Diplomatning iste’fosini Dauning-stritdagi bosh vazir kanselyariyasidagilar tasdiqladi. Diplomatning iste’fosi jamoatchilik uchun butunlay kutilmagan hol bo‘ldi: Birlashgan Qirollik hukumati 31-martga qadar Yevroittifoqdan chiqish bilan bog‘liq ikki yillik jarayonni boshlashi va Bryussel bilan Brexit shartlari haqida muzokaralarga kirishishi kerak.
Izoh (0)