Буюк Британиянинг Евроиттифоқдаги элчиси Айвен Рожерс Brexit ҳақидаги расмий музокаралар бошланишига бир неча ой қолган пайтда кутилмаганда истеъфога чиқишга қарор қилди, деб ёзади «Ведомости».
Financial Times нашри манбалари маълум қилишича, Рожерс ҳамкасбларига муддатидан олдин истеъфо бераётганини айтган, бироқ ўз қарори сабабларини келтирмаган. У лавозимини муддат расман тугашига бир неча ой қолганида (унинг ваколати 2017 йил ноябрда тугайди) тарк этаётганини айтиб, ўз қарорининг аҳамиятини камайтирган. Рожерс 2013 йил ноябрда элчи этиб тайинланган эди.
Дипломатнинг истеъфосини Даунинг-стритдаги бош вазир канцеляриясидагилар тасдиқлади. Дипломатнинг истеъфоси жамоатчилик учун бутунлай кутилмаган ҳол бўлди: Бирлашган Қироллик ҳукумати 31 мартга қадар Евроиттифоқдан чиқиш билан боғлиқ икки йиллик жараённи бошлаши ва Брюссель билан Brexit шартлари ҳақида музокараларга киришиши керак.
Изоҳ (0)