AQShning saylangan prezidenti Donald Tramp Guantanamodagi qamoqxonadan mahbuslarni ozodlikka chiqarish kerak emas, deb hisoblaydi. Bu haqda uning Twitter’iga tayanib, “Interfaks” xabar berdi.
“Guantanamodan boshqa hech kimni ozod qilish kerak emas. Ular juda xavfli odamlar va ularning jang maydoniga qaytishiga yo‘l qo‘yilmasligi kerak”, — deb yozdi u.
Guantanamodagi qamoqxona — AQSh hukumati tomonidan turli jinoyatlarda, jumladan, terrorizm, dushman tomonida turib urush olib borishda ayblanayotgan shaxslar uchun lager. Turma AQSh tomonidan hech qanday muddatsiz ijaraga olingan Guantanamo (Kuba) ko‘rfazidagi harbiy-dengiz bazasi hududida joylashgan.
Izoh (0)