AQSh chegara nazorati kompyuter tizimida 2-yanvar, dushanba kuni butun mamlakat miqyosida nuqsonlar kuzatildi. Bu haqda AQSh milliy xavfsizlik vazirligi tarkibiga kiruvchi bojxona va chegara nazorati xizmati ma’lum qildi, deya xabar beradi “TASS”.
Xizmat shu tariqa AQShdagi qator xalqaro aeroportlarda ulkan navbatlar yuzaga kelganligini tasdiqladi. Bu haqdagi ma’lumotlarni mamlakatga kelgan sayyohlar va xorijdan qaytayotgan amerikaliklar ijtimoiy tarmoqlarda, birinchi galda Twitter’da joylashtirgandi.
Mazkur xabarlarga ko‘ra, aviayo‘lovchilar Vashington, Atlanta va Mayami aeroportlarida AQSh chegarasini kesib o‘tayotganda ko‘plab noqulayliklarga duch keldi. Mayami aeroportida uzoq navbatda turish oqibatida kamida ikki yo‘lovchi hushidan ketdi.
Xizmat vakillarining ta’kidlashicha, kompyuter tizimi nima uchun pand bergani sabablari hozircha aniqlanmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)