Rasmiy tashrif bilan Iroqqa kelgan Fransiya prezidenti Fransua Olland IShIDga qarshi kurash olib borayotgan fransuz harbiy xizmatchilari bilan uchrashishi ko‘zda tutilgan. Bu haqda “TASS” xabar bermoqda.
Fransiya harbiy havo-kuchlari Suriya va Iroqda 2014-yildan beri IShID jangarilariga qarshi Chammal kodli nomi ostida operatsiya o‘tkazib kelmoqda. Iroq bosh vaziri Haydar al-Obodiy bilan birgalikdagi qo‘shma matbuot anjumanida Olland mamlakat harbiy-havo kuchlari Suriyaning Palmira shahri yaqinidagi IShID marralarini o‘qqa tutganini bildirdi.
Ma’lumot uchun, Fransiya prezidenti oxirgi bor Iroqqa 2014-yil sentabrida kelgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)