Расмий ташриф билан Ироққа келган Франция президенти Франсуа Олланд ИШИДга қарши кураш олиб бораётган француз ҳарбий хизматчилари билан учрашиши кўзда тутилган. Бу ҳақда «ТАСС» хабар бермоқда.
Франция ҳарбий ҳаво-кучлари Сурия ва Ироқда 2014 йилдан бери ИШИД жангариларига қарши Chammal кодли номи остида операция ўтказиб келмоқда. Ироқ бош вазири Ҳайдар ал-Ободий билан биргаликдаги қўшма матбуот анжуманида Олланд мамлакат ҳарбий-ҳаво кучлари Суриянинг Пальмира шаҳри яқинидаги ИШИД марраларини ўққа тутганини билдирди.
Маълумот учун, Франция президенти охирги бор Ироққа 2014 йил сентябрида келганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)