Shri-Lanka poytaxti Kolomboda yangi yilning birinchi kuni muvaffaqiyatsiz amalga oshirilgan mushakbozlik tufayli 1000 dan ortiq kishi shikastlanish va kuyish jarohatlari oldi. Ulardan 479 nafari kasalxonaga yotqizildi. Bu haqda davlat sog‘liqni saqlash xizmati bosh direktori o‘rinbosari Anil Yasingx ma’lum qildi, deya xabar beradi “TASS”.
“Shri-Lankada pirotexnika vositalarini noo‘rin qo‘llash va sifatsiz mahsulotdan foydalanish oqibatidagi baxtsiz hodisalar soni yilma-yil ortib bormoqda. Birgina Kolombo milliy kasalxonasining o‘ziga yangi yilning birinchi kuni jiddiy shikastlanish va kuyish jarohatlari bilan 479 kishi yetkazildi. Bu o‘tgan yilgiga nisbatan deyarli ikki barobar ko‘p”, — deya ta’kidladi mansabdor.
Mamlakat hukumati sertifikat va foydalanish bo‘yicha qo‘llanmaga ega bo‘lmagan pirotexnika vositalarini sotuvdan olish choralarini ko‘rishi ta’kidlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)