Boks bo‘yicha -64 kilogramm vaznda Rio–2016 Olimpiya o‘yinlari chempioniga aylangan Fazliddin G‘oibnazarov “Qalampir.uz” saytiga bergan intervyusida uning notanish qiz bilan surati tarqalganini ko‘proq erkaklar g‘iybat qilgani haqida aytib o‘tdi.
“Riodan endigina kelgan kunlarimizdan biri edi. Yonimga bir qiz kelib, muxlis ekanini aytdi va suratga tushishni iltimos qildi. Men unga yo‘q deya olmay, suratga tushishga rozi bo‘ldim. O‘sha vaqtda vaziyat bunday tus olishini kim ham o‘ylabdi deysiz? Bir necha kundan keyin butun ijtimoiy tarmoq ana shu suratni muhokama qila boshladi. O‘ylashimcha, odamlar orasida g‘iybat qilishga gap topilmay turgan ekan shekilli, hamma shu suratga yopishib oldi”, – dedi G‘oibnazarov.
“Men o‘shanda ayollarimizning mardligiga qoyil qoldim. O‘sha qiz bilan tushgan suratimiz tarqalgach, ijtimoiy tarmoqdagi sahifamga erkaklar turli yoqimsiz izohlarni yozib qoldirgan bir paytda, ayollarning bunga g‘ashi keldi. Ular, ‘Bu yulduz, bu esa muxlis’ qabilida, erkak bo‘la turib erkakni g‘iybat qilayotgan insonlarga ortiqcha izohga o‘rin yo‘qligini isbotlashdi”, – qo‘shimcha qildi bokschi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)