Rio-de-Janeyroda bo‘lib o‘tgan 2016-yilgi Olimpiya o‘yinlari g‘olibi Hasanboy Do‘stmatov O‘zbekistonda yilning eng yaxshi sportchisi deb tan olindi. Bu haqda, O‘zbekiston Madaniyat va sport ishlari vazirligiga asoslanib, “Gazeta.uz” xabar bermoqda.
O‘zbekiston Madaniyat va sport ishlari vazirligi 27-dekabr kuni yil yakunlariga bag‘ishlangan Yangi yil tadbirini o‘tkazgan.
Unda bir qator yo‘nalishlar bo‘yicha madaniyat va sport xodimlari taqdirlangan.
Xususan, “Yilning eng yaxshi sportchisi” yo‘nalishida boks bo‘yicha O‘zbekiston milliy terma jamoasi a’zosi Hasanboy Do‘stmatov taqdirlangan.
Unga maxsus diplom va 10 ming dollar miqdoridagi mukofotni vazir Bahodir Ahmedov topshirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)