Madridning “Real” futbol klubi va Portugaliya terma jamoasi hujumchisi Krishtianu Ronaldu Falastinda yil odami deb tan olindi. Bu haqda Ispaniyaning AS nashri xabar bermoqda.
Mazkur voqeaga bag‘ishlangan tantanali marosimda 1200 kishi, jumladan, Falastin yetakchisi Mahmud Abbos ham qatnashgan.
Xabar berishlaricha, futbolchi “sportdagi va insoniy sifatlari uchun” alohida e’tirofga sazovor bo‘lgan.
2016-yilning mart oyida Ronaldu bombardimon oqibatida oilasidan ayrilgan falastinlik 5 yoshli yetim bola bilan uchrashgan edi.
Qayd etishlaricha, yaqin vaqt ichida mukofot Ispaniyaga yetkaziladi va Ronalduga shaxsan topshiriladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.