Rossiya prezidenti Vladimir Putin 2018-yilda bo‘lib o‘tadigan prezidentlik saylovida ishtirok etishi shart. Bu haqda Checheniston rahbari Ramzan Qodirov Instagram’dagi sahifasida ma’lum qildi, deya xabar beradi “RBK”.
“Vladimir Vladimirovich kelgusi saylovlarda umumxalq nomzodi bo‘lishi, 2018-yildan keyin ham Rossiya prezidenti bo‘lib qolishi kerak. Bu boradagi qarashlarim Chechenistonning barcha ahli, millionlab rossiyaliklarning fikriga asoslangan. Hozirgi bosqichda bundan o‘zgacha yo‘l tutish kutilmagan oqibatlarga olib kelishi mumkin. AQSh va NATO mamlakatlari Rossiyani nafaqat uchinchi, kerak bo‘lsa o‘ninchi dunyo davlatiga aylantirish maqsadini yashirmayapti”, — deya ta’kidladi Qodirov.
Oldinroq Vladimir Putin an’anaviy katta matbuot anjumani chog‘ida 2018-yildagi prezidentlik saylovida ishtiroki yuzasidan “buning mavridi kelganida” qaror qabul qilishini bildirgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)