AQShning Xyuston shahrida NASA astronavti Pirs Sellers 62 yoshida hayotdan ko‘z yumdi. Bu haqda Amerika koinot agentligi saytida ma’lum qilindi, deya xabar beradi “RBK”.
Agentlik press-relizida ma’lum qilinishicha, Sellers saraton kasalligidan vafot etdi. 2015-yil noyabrida unda mazkur kasallikning to‘rtinchi darajasi aniqlangandi.
Sellers faoliyati davomida uch marotaba orbitada bo‘lgan, birinchi parvozini 2002-yili Atlantis STS-112 kemasida amalga oshirgandi. U sayyoradagi iqlim o‘zgarishlari bilan shug‘ullangan. Iqlimiy tizimni sun’iy yo‘ldoshlar ma’lumotlariga tayangan holda, kompyuter vositasida modellashtirish haqidagi ilmiy ishi Yerni tadqiq etish borasida muhim ahamiyatga ega bo‘lgandi.
Eslatib o‘tamiz, oldinroq AQSh tarixida ilk orbital parvozni amalni oshirgan astronavt Jon Glenn dekabr oyi boshida 95 yoshida olamdan o‘tgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)