Bryusseldagi Belgiya turk federatsiyasi binosi oldida qo‘lbola portlovchi qurilma topildi. Bu haqda poytaxt prokuraturasi rasmiy vakili Deni Geman ma’lum qildi, deya xabar beradi “Vedomosti”.
Federatsiya joylashgan Skarbek kommunasida politsiya operatsiyasi o‘tkazildi. Ekspertlar plastik paketga joylashtirilgan va sapyorlar tomonidan zararsizlantirilgan qurilma bomba ekanligini tasdiqladi.
Portlovchi qurilma gaz ballondan tayyorlangani ma’lum bo‘ldi. Bunga qo‘l urgan shaxslarni aniqlash maqsadida hodisa joyida politsiya laboratoriyasi ishlamoqda. Hozircha hech kim qo‘lga olingani yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)