Rossiya Federatsiya kengashi Turkiya parlamenti a’zolaridan elchi Andrey Karlovning o‘ldirilishi tergovini nazoratga olishni so‘radi. Bu haqda “Gazeta.ru” xabar bermoqda.
“Rossiya Federatsiya kengashi va Turkiya parlamenti o‘rtasida shakllantirilgan hamkorlik guruhi doirasida hamkasblarimizga mazkur qotillik tergovini parlament nazoratiga olish yuzasidan murojaat etdik”, — deya ma’lum qildi senator Murod Xapsirokov.
Kengash vitse-spikeri Ilyas Umaxanov terrorchilik tashkilotlari, jumladan, IShID rossiyalik diplomatlarning “o‘lim ro‘yxatlari”ni tuzayotgani haqida ma’lumotlar paydo bo‘layotganini bildirdi.
“Balki bu ma’lumotlar haqiqatga to‘g‘ri kelmas, biroq biz diplomatik vakolatxonalarimiz, ularning xodimlari va oila a’zolari xavfsizligini kuchaytirish yuzasidan takliflarimizni tayyorlashishimiz lozim”, — deya ta’kidladi senator.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)