Россия президенти Владимир Путин 2018 йилда бўлиб ўтадиган президентлик сайловида иштирок этиши шарт. Бу ҳақда Чеченистон раҳбари Рамзан Қодиров Instagram’даги саҳифасида маълум қилди, дея хабар беради «РБК».
«Владимир Владимирович келгуси сайловларда умумхалқ номзоди бўлиши, 2018 йилдан кейин ҳам Россия президенти бўлиб қолиши керак. Бу борадаги қарашларим Чеченистоннинг барча аҳли, миллионлаб россияликларнинг фикрига асосланган. Ҳозирги босқичда бундан ўзгача йўл тутиш кутилмаган оқибатларга олиб келиши мумкин. АҚШ ва НАТО мамлакатлари Россияни нафақат учинчи, керак бўлса ўнинчи дунё давлатига айлантириш мақсадини яширмаяпти», — дея таъкидлади Қодиров.
Олдинроқ Владимир Путин анъанавий катта матбуот анжумани чоғида 2018 йилдаги президентлик сайловида иштироки юзасидан «бунинг мавриди келганида» қарор қабул қилишини билдирганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)