АҚШнинг Хюстон шаҳрида NASA астронавти Пирс Селлерс 62 ёшида ҳаётдан кўз юмди. Бу ҳақда Америка коинот агентлиги сайтида маълум қилинди, дея хабар беради «РБК».
Агентлик пресс-релизида маълум қилинишича, Селлерс саратон касаллигидан вафот этди. 2015 йил ноябрида унда мазкур касалликнинг тўртинчи даражаси аниқланганди.
Селлерс фаолияти давомида уч маротаба орбитада бўлган, биринчи парвозини 2002 йили Atlantis STS-112 кемасида амалга оширганди. У сайёрадаги иқлим ўзгаришлари билан шуғулланган. Иқлимий тизимни сунъий йўлдошлар маълумотларига таянган ҳолда, компьютер воситасида моделлаштириш ҳақидаги илмий иши Ерни тадқиқ этиш борасида муҳим аҳамиятга эга бўлганди.
Эслатиб ўтамиз, олдинроқ АҚШ тарихида илк орбитал парвозни амални оширган астронавт Жон Гленн декабрь ойи бошида 95 ёшида оламдан ўтгани ҳақида хабар берилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)