Buyuk Britaniya Tashqi ishlar vazirligi xodimi Saymon Makdonald Twitter’dagi sahifasida vazirlik qarorgohi zinasida faxriy qorovul qorovul qurshovida turgan Palmerston laqabli mushuk fotosuratini e’lon qildi. Bu haqda TJournal xabar bermoqda.
Makdonaldning yodga solishicha, avvallari uysiz hisoblangan bu mushuk hozirda “haqli ravishda izzat-hurmat topmoqda”. Mazkur xabar yozilayotgan vaqtda mushukning Twitter’dagi shaxsiy sahifasida 38 mingdan ortiq obunachi bor edi.
Palmerston 2016-yil bahorida Britaniya Tashqi ishlar vazirligining bosh mushugi “lavozimi”ni egallagan. Mushuk XIX asrda mamlakat bosh vaziri lavozimida ishlagan Genri Jon Templ Palmerston sharafiga nomlangan.
Uni Battersea jonivorlarni vaqtincha saqlash muassasasidan olishgan. Avvalroq xuddi shu muassasadan bosh vazir qarorgohi uchun Larri laqabli mushuk olingan edi. Biroq Larri ancha dangasa chiqdi va butun “faoliyati” davomida atigi bitta sichqon tutdi, xolos.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)