Yangi yil bayrami yaqinlashavergani sari o‘zbek shou-biznesi namoyandalarining Instagram’dagi sahifalari haqiqiy karnaval ko‘rinishini olmoqda.
Turli teleko‘rsatuvlarning bayram sonlarida qatnashgan san’atkorlar deyarli har kuni o‘z muxlislarini bir-biridan g‘aroyib fotosuratlar bilan lol qoldirmoqda.
Masalan, xonanda Dilso‘z kuni kecha hamkasbi Kaniza bilan birga tushgan suratini e’lon qildi — suratdagi har ikkala xonanda egnida antiqa libos.
Dilso‘zning yozishicha, uning ustidagi libos nomi “Pirojnoye”. Bu libos “samimiy dizayner” Feruza G‘ulomova tomonidan tayyorlangan.
Kanizaning libosi boshqa bir shirinlik — chizkeyk bilan bog‘liq ekanini ko‘ylakning bel qismidagi yozuvdan ham anglasa bo‘ladi.
Ma’lum bo‘lishicha, san’atkorlar bu ko‘rinishda “Mening yurtim” telekanalidagi “Top-dizayner” ko‘rsatuvining Yangi yil sonida qatnashadi.
Ko‘rsatuvda yana kimlar va yana qanday liboslar ko‘rsatilishi haqida boshqa batafsil axborot yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)