Amerikalik rassom Niv Bavarski BeutlerInk kompaniyasi uchun 2016-yilning 127 hodisasi aks etgan suratni (katta o‘lchamda) tayyorladi. Bu haqda TJournal xabar bermoqda.
Suratda yilning sport, siyosat va shou-biznesga daxldor muhim lahzalari aks etgan. Bird In Flight’ning yozishicha, suratda “Oskar” olgan Leonardo Di Kaprioni, Bredd Pitt va Anjelina Joli, Donald Tramp, pokemonlar va boshqa ko‘plab personajlarni uchratish mumkin.
Illyustratsiyaning pastki chap burchagidan 2016-yilda vafot etgan mashhurlar — aktyor Alan Rikman, qo‘shiqchi Devid Boui, bokschi Muhammad Ali va boshqalar o‘rin olgan. Suratning o‘ng burchagi siyosiy voqealarga bag‘ishlangan. Unda Donald Tramp, Hillari Klinton, Devid Kemeron va SSSR gerbi tushirilgan qalpoq kiygan Vladimir Putinni ko‘rish mumkin.
BeutlerInk saytida rassom tomonidan suratda aks ettirilgan barcha voqealarning batafsil tavsifi keltirilgan.
2015-yili kompaniya buyurtmasiga binoan boshqa bir rassom — Lyuk MakGarri xuddi shu ishni amalga oshirgan edi: u bir suratda yilning ko‘plab voqealarini aks ettirgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)