Perte shahridagi Edit Kouen nomli universitetning 102 yoshli professori Devid Gudoll o‘quv yurti binosida ishlashni davom ettirish huquqiga ega bo‘ldi. Bu haqda Avstraliyaning ABC News telekanali ma’lum qildi, deya xabar beradi “TASS”.
Professor universitetda 20 yil davomida faoliyat olib borgan va hozir ham kafedra xodimi hisoblanadi, biroq unga maosh to‘lanmaydi. Gudoll Avstraliyaning eng keksa olimi va ekologiya bo‘yicha yuzlab ishlar muallifi, uning karyerasi 70 yildan oshiq vaqtdan beri davom etmoqda.
Oxirgi paytda professorning ko‘rish qobiliyati zaiflasha boshlagan va u o‘quv yurti rahbariyatidan uydan turib ishlash haqida bildiruv olgandi. Olimning qizi Karen Gudoll-Smit rektoratga mazkur bildiruv otasini tushkunlikka tushirib qo‘ygani haqida xabar qildi.
Shundan so‘ng universitet rahbariyati o‘z qarorini qayta ko‘rib chiqdi va professor uchun qulayroq xonani axtarib topdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)