AQShning saylangan prezidenti Donald Tramp Berlinda 19-dekabr, dushanba kuni yuk mashinasi Rojdestvo yarmarkasi tashrifchilari ustiga bostirib borishini “insoniyatga qarshi hujum” deb atadi. Bu haqda “Interfaks” xabar berdi.
“Bu insoniyatga qarshi hujum edi, bunday holatni to‘xtatish lozim”, — dedi Tramp jurnalistlarga.
Shu bilan birga, u saylovoldi kampaniyasi chog‘ida aytganidek, AQShga musulmon davlatlardan qochoqlar kirishini cheklashni hayotga tatbiq qilishga tayyor.
“Mening rejalarim haqida bilasiz, va men haq bo‘lganim, 100 foizga haq bo‘lganim isbotlanib turibdi”, — dedi saylangan prezident “hodisa — borib turgan bema’nigarchilik” ekanligini qo‘shib qo‘yar ekan.
Germaniya poytaxtidagi terakt oqibatida 12 kishi halok bo‘ldi, 50 kishi jarohat oldi. Yaralangan 18 kishining ahvoli o‘ta og‘ir deb baholanmoqda.
Izoh (0)