Rossiyaning Irkutsk shahrida “Boyarishnik” suyuqligi bilan ommaviy zaharlanish oqibatida yana bir kishi olamdan o‘tdi. Shu tariqa halok bo‘lganlarning umumiy soni 63 kishiga yetdi. Bu haqda “RIA Novosti” xabar bermoqda.
Oldinroq metanol iste’moli tufayli 53 kishi o‘lgani bildirilgandi.
“Jabrlanganlarning umumiy soni 109 kishini tashkil etmoqda. Ulardan 63 nafari hayotdan ko‘z yumdi. Kasalxonalarda 37 kishi qolmoqda”, — deya ma’lum qildi viloyat sog‘liqni saqlash vazirligi vakili Tatyana Shkurskaya.
Ommaviy zaharlanish yuzasidan olib borilayotgan tekshiruv doirasida 12 kishi qo‘lga olindi. Suyuqlik ishlab chiqarilgan Sankt-Peterburg va Alaniyadagi firmalarda tergov harakatlari olib borilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)