Toshkent markazidagi “Do‘stlar” kafesi yaqinida transport vositalari to‘xtashi taqiqlangan joyda qoldirilgan Lacetti ustiga daraxt ag‘anadi. Bu haqda Facebook’dagi “Voditeli Tashkenta” guruhida fotoxabar qoldirilgan.
Hodisa oqibatida jabrlangan kishilar haqida aniq ma’lumotlar yo‘q.
Foydalanuvchilar shaharning bu qismida kuchli shamollar natijasida daraxtlar va ularning shoxlari tez-tez qulab turishi haqida yozgan.
Ayni vaqtda, “agar taqdiriga yozilgan bo‘lsa, ruxsat etilgan joyda qoldirilgan mashina ustiga ham daraxt ag‘anayveradi”, degan kommentlarni ham ko‘rish mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)